செட்டிநாடு கண்டாங்கி சேலை

கண்டாங்கி, செட்டிநாட்டின் கனமான கைத்தறிப் பருத்திச் சேலை; சிவகங்கை மாவட்டம் காரைக்குடியிலும் அதைச் சுற்றியுள்ள ஊர்களிலும் நெய்யப்படுகிறது. அடர்ந்த, எதிர்மாறான வண்ணங்களில் பெரிய கட்டங்களும் கோடுகளும், வழக்கத்தை விட அகலமான மாறுபட்ட கரைகளும் இதன் அடையாளம்; பாரம்பரியமாகச் செட்டியார் பெண்கள் அணிந்து வந்தனர். காரைக்குடி கைத்தறி நெசவாளர் கூட்டுறவுச் சங்கம் விண்ணப்பித்த 'கண்டாங்கி சேலைகள்' 2019இல் புவிசார் குறியீடாகப் பதிவு செய்யப்பட்டது.